salamwatandar.com

دنوموړی په وړاندی پدی سیالیو کی شپږنور سیالانو وو چی نواب ونشو کړای چی له یوه هم وړاندی شی او ترټولو وروسته یی اخری مقام په برخه شو .

دافغانستان دوه لوبغاړی نواب احمد فرهاد د( اټلاټیک ) یا ځغاستې په برخه کې او دوهم لوبغاړی محمد اوریا خیل دبوکسینګ یا ( سوک وهنې ) په برخه کی دلومړی ځل لپاره ددوه زره لسم کال ځوانانو المپکی سیالیو کی دګډون په موخه سنګاپور ته تللی. لومړی لوبغاړی نواب احمد فرهاد وه چی  تیره ورځ په ځغاسته کی دخپلو سیالانو په وړاندی دسیالۍ ډګرته ووته.

نوموړی ونشو کړای چی دخپلو شپږو لوبغاړو څخه له یوه هم وړاندی شی اودسلو میترو په واټن کې دتولو وروستی په اووم مقام کی ټاکل شوی هدف ته ورسیده .
دسلو میترو دغه واټن افغانی لوبغاړی نواب دخپلو سیالانو وروسته په دوه لس اشاریه پنځه څلویښت ثانیو کی وواهه خو سیالان یی دنوموړی وړاندی ول تردی چې ترټولو وروسته پاتې شو .
پدی سیالیو کی دنوموړی دسیالانو څخه یو سیال دزمبابوی هیواد څخه موتانګا سیمویل ووچې ویی کولای شول ټاکل شوی واټن په لس اشاره دوه نوی ټانیو کی ووهی اولومړی مقام خپل کړی .
یاده دی وی چی ددی وړاندی هم افغان ښځینه او نارینه لوبغاړو په اسیایی او المپیکی ځغاستو سیالیو کی ګډون کړی دی .

دافغانستان دالمپیک ملی کمیټی په وار وارسره ویلی دی چی یواځی په نړیوالو سیالیو کی ددوی دلوبغاړو شتون او دافغانستان بیرغ رپول دوی ته اړین دی .
دا چی پدی سیالیو کی دنورو هیوادونو څخه په بیلو بیلو برخو کی زیات شمیرلوبغاړو ګډون درلوده خو پدی سیالیو کی دافغانستان لخوا دپنځه کسیزه ډلې څخه یواځی دوه لوبغاړو ګډون درلوده چی سیالیو ته دروانیدو وړاندی ددی پنځه کسیزه ډلګۍ مشر او دالمپیک دملی کمیټی دریس ددفترویاند ښاغلی مجیب الرحمان رحمانی دسلام وطنداردیوی پوښتنی په ځواب کی وویل چی ددوی لوبغاړو شتون هلته دوی ته دمډال څخه هم غوره دی او دوی باید چی دلوبغاړو څخه ډیری تمی ونلري .

دا پداسی حال کی ده چی ټاکل شوی وه چی دافغانستان ښځینه کرکټ ملی لوبډلی باید په شپاړسم پړاو اسیایی سیالیو کی ګدون کړی وی خو داچی دکرکټ بورډ او المپیک ملی کمیټی ترمینځ دښځینه لوبډلی دی سیالیو ته دلیږلو په سرلانجې او دنګلی روانی وی نو دغه لوبډله له دی سیالیو بی برخی شوه .
دالمپیک ملی کمیټه اوس وایی چی ددوی ښځینه کرکټ لوبډله دی سیالیو ته چمتو نه وه پداسی حال کی چی دالمپیک ددی وړاندی څوو ځله درسنیو په وړاندی ویلی دی چی دافغانستان لوبغاړو لپاره په بهرنیو سیالیو کی شتون او دافغانستان بیرغ رپول دهرڅه لومړیتوب لری.

په دی سیالۍ کی دافغانستان لوبډلی په ډیره ښه او اسانه توګه وکولای شول چی دسکاټلینډ لوبډله په لومړی نړیواله یو ورځنۍ سیالۍ کی په نهو لوبغاړو له ماتی سره مخ کړی .

وروسته دهغی نه چی دافغانستان کرکټ ملی لوبډلې په مهمه څلور ورځنۍ یا (فرسټ کلاس ) سیالۍ کی د شهزاد محمدی ، سمیع الله شینواری دسیلیزو او د تیزبالرحمید حسن دیوولسو ویکټو په مټ دسکاټلینډ لوبډله په دوه سوه نهه ویشت منډو توپیرسره له سترې ماتی سره مخ کړه نو دافغانستان لوبغاړی نور هم چُسته شوه او تیره ورځ یی دیو ورځنیو سیالیو ګټلو ته پښی رالوڅی کړی ، دسکاټلینډ لوبډلی داځل له افغانستان څخه دڅلور ورځنۍ سیالۍ د غچ اخیستلو په موخه په لوبډله کی ځینو پخوانیو او پیاوړو لوبغاړو ته موقع ورکړه چی یو هم پکښی دنولس سوه نهه نوی کال دانګلستان دټیست ملی لوبډلی لوبغاړی ګیون هیملټن ؤ چی د انګلستان ملی لوبډلی له پاره یی هم دسویلی افریقی خلاف یوه ټیست سیالۍ کړی وه خو دافغانستان پر وړاندی بیخي بې وسې ؤ .
که څه هم په څلور ورځنۍ سیالۍ کی لومړی افغان لوبډلی لوبه کړی وه نو داځل دسکاټلینډ لوبدلی کپتان ډرومونډ په دی هیله ؤ چی دپچی په ګټلوسره به لومړی وار وکړی او دافغانستان لوبدلی پر وړاندی به یو سترهدف وټاکي خو چا به دغه کارته پریښودی وی .

لومړی افغان بالرشاپور ؤ چی دسکاټلینډ لومړی لوبغاړی یی له میدانه وایسته ، ورپسی میرویس اشرف هم ځان کم ونه ښوده او دلومړی بالرپه توګه یی دسکاټلینډ بل لوبغاړی  په خپل انډیوال پسې ولېږه   خو په ورپسی اور کی دسکاټلینډ ستونزی لاپسی زیاتی شوی کله چی شاپور یوځل بیا ګوزاروکړ او په شپږم اور کی یی دسکاټلینډ دریم لوبغاړی هم له میدان وتلو ته اړ کړ .
خو دسکاټلینډ یو اوپنریا لومړی لوبغاړی فریسرواټس دنوی او پیاوړی لوبغاړی ګیون همیلټن سره دافغانستان دتیزو بالرانو په وړاندی له ویری ډکه لوبه کوله تردی چی په دوه نوی منډو کی دغه ملګرتیا دحمیدحسن په یو یارکربال باندی پای ته ورسیده ، ورپسی دسکاټلنیډ لوبغاړو دمنډو ترلاسه کولو هڅی کولی خو ترڅنګ یی په دمی دمی سره ویکټی هم له لاسه ورکولی تردی چی سکاټلینډ په یو سلو یو څلویښت منډو خپل اووه لومړنی لوبغاړی له لاسه ورکړه او داسی ښکاریده چی دسکاټلینډ پاتی لوبغاړی به منډی له دوه سوو څخه زیاتی نکړای شی خو هرڅه دتل په څیروشو دافغانستان بالرانو په وړاندی دنورو لوبدلو په څیریوځل بیا دسکاټلینډ پاتو دریو لوبغاړو دغه منډی په پوره پنځوس اورونو کی یوه دفاع کوونکی هدف ته ورسولی او دنهه لوبغاړو په سوځیدو یی افغانستان ته ددوه سوه څلورویشت منډو هدف وټاکه .

دافغانستان لخوا که څه هم شاپورپه لسو اورونوکی ترټولو زیاتی اووه شپته منډی وکړی خو دری لوبغاړی یی هم دخپل بالینګ ښکارکړل ، ترڅنګ سمیع الله شینواری دوه ، میرویس اشرف ، اصغرستانکزی حمید حسن بیا یو یو لوبغاړی وسوځاوه .
په ځواب کی دافغانستان پیل له ستونزو ډک ؤ او له ښی لوبی یا (فارم ) څخه وتلی نورعلی ځدران سکاټلینډی پارکرلخوا (ایل بی ډبلیو) وسوځیده چی دافغانستان منډی یواځی شپږوی چی پدی وخت کی دسیالۍ دپایلی په اړه هیڅ څه نه ویل کیدل.
خو دتل په څیرشهزاد محمدی په راتګ سره دکریم صادق ترڅنګ په سکاټلینډی بالرانو بریدونه پیل کړ او دمیدان څلور اړخه یی ښکلی او له خطرونه پرته شارټونه ووهل چی دسکاټلینډۍ لوبډلی څخه یې واراو پارخطا کړ  ، دواړو کریم او شهزاد تردی وړاندی دومره بریدګر نه وو لیدل شوی تردی چی منډی داورونو څخه ډیری وړاندی روانی وی .

شهزاد محمدی دتل په څیرپه بیخي کمو دوه اویا بالونو سره  دکرکت په نړیوالو یو ورځینو سیالیو کی خپله دوهمه سیلیزه یا (سنچري ) ووهله چی ورپسی کریم صادق هم په نړیوالو یو ورځنیو سیالیو کی خپله لومړی یو ورځنۍ سلییزه یا (سنچري) په یو سلو دوه بالونو ترلاسه کړه او د افغانستان بریا یی یقینی کړه دواړو وکولای شول  چی نولس اورونه وړاندی په یو دیرش اورم کی دسکاتلینډ  ورکړل شوی هدف ترلاسه کړی او دسکاټلیند لوبډلی دبریا هیلی دغچ اخیستلو امیدونه په اوبو لاهو کړی .

وروستۍ اور د کریم صادق ؤ چی پکښی یی ټولی پاتی څورلس منډی د دوه څلوریزو او یوی شپږیزی پر مت په ډیرښه اندازسره ترلاسه کړی او د افغانستان کرکټ دنړیوالو یو ورځنیوسیالیو په تاریخ کی لومړی دوه لوبغاړي وشمیرل شول چی په یواځی ځان د دوه سوو منډو ملګرتیا کوی او دواړه لوبغاړی سلیزی یا (سنچریانې) هم جوړوی .
یاده دی وی چی دافغانستان  تراوسه پوری په نړیوالو یو ورځینو سیالیو کی پنځه سلیزی یا ( سنچریانې) وهلي دي چی دری دویکټ کیپربیټسمین نولس کلن لوبغاړی شهزاد محمدی  او یوه یوه بیا نورعلی ځدران او کریم صادق ترلاسه کړی ده .

افغانستان نن دسکاټلینډ پر وړاندی دوهمه نړیواله یو ورځنۍ سیالۍ ترلاسه کوی او که دا سیالۍ یې هم وګټله نو په دی سره به د لوبډلی دکپتان نوروزمنګل په مشرۍ ، د لوبدلی مشرروزونکی کبیرخان  ترروزنې لاندې ، دبیټینګ نوی روزونکی راشد لطیف ته او کرکټ ملی لوبډلی ته دسکاټلینډ ستونزمن او دچیلینجونوڅخه ډک سفرپه بریا سره پای ته ورسیږی چی د سیالیو وړاندی نه خو یی په هیواد کی داورښتونو له کبله په سمه توګه تمرین هم نه ؤ کړی، بله  دا چی له دیارلس لوبغاړو سره یی دا سیالۍ ترسره کړی چی ځینی لوبغاړو په ټپی حالاتو کی لوبی ترسره کړی او بله اندیښنه دسکاتلینډلوبډله وه چی وړاندی یی  افغان لوبډله  سرپر سر په دوو یو ورځنیوسیالیوکی له ماتی سره مخ کړی وه .

افغانستان د لويو وچو په سياليو کې سکاټلینډ ته په ٢٢٩ منډو ماتې ورکړه او اوس د اوو هيوادونو داتلولیو په سیالیو کې د۷۷ نمرو یا پوانټونوپه لرلوسره لومړى مقام لري.

ددی سیالۍ په وروستۍ ورځ دسکاټلینډ لوبډلی ته داتوو لوبغاړو په درلودو څلور سوه پنځوس منډی پکاروی ترڅو هدف ته ورسیږی او بریا خپله کړی . خودغه هدف ته رسیدل په وروستۍ ورځ او دافغانستان دبالرانو په وړاندی بیخی ناشونی وو په ځانګړۍ توګه دحمیدحسن په وړاندی چی دمرمیو په څیربالونه یی دسکاټلینډي لوبغاړولخوا دراستنیدو نه وو.

په وروستۍ ورځ دافغانستان لخوا عبدالله مزاری وه چی دافغانستان لپاره یی په خپله لومړی سیالۍ کی ویکټ ترلاسه کړه . ورپسی حمیدحسن ته بیا موقع ورغله او تردی چی په یو سلو اته پنځوس منډو کی د سکاټلینډ پنځه پیاوړی لوبغاړی له میدانه وویستل شول . خوسکاټلیندلوبډلې دوخت ضایع کولو په موخه پوره ملاتړلی وه او تردی چی وروستیو لوبغاړو یی دتل په څیردافغانستان په وړاندی ښه لوبه کوله ، چی پدی دروان کی شهزاد محمدی دحمیدحسن په بال یواسانه کیچ هم وغورځاوه .

خو دافغانستان لخوا حمید حسن دافغانستان بریا یقینی کړه چی ورسره په وروستۍ ورځ عبدالله مزاری او سمیع الله شینواری هم پوره ملګرتیا وکړه او دسکټلینډ ټوله لوبډله په دری سوه شپاړس منډو وسوځیده او دغه سیالۍ یی افغانستان ته په دوه سوه نهه ویشت منډو وبایلله. دبریا ترڅنګ دافغانستان لوبډلی دسکاټلینډ لوبډله دلومړی مقام څخه راښکته او پخپله ددریم مقام څخه لومړی مقام ورسیده .
پدی سیالۍ کی افغانستان په لومړی واریا اننګز دسمیع الله شینواری دیو سلو دوه منډو په مټ څلورسوه پنځه دیرش منډی جوړی کړی ، چی سکاټلینډ دحمدی دپنځه ویکتو په اخیستلو سره یواځی په یو سلو نهه دیرش منډو وسوځید، او افغانستان ددوه سوه پنځه نوی منډو مخکیوالی سره لومړی شپږ ارزښتناکه نمری یا پوانټونه ترلاسه کړل . یوځل بیا افغانستان په دوهم وار یا اننګز کی داځل دشهزاد محمدی دیو سلو پنځه منډو په مټ دوه سوه نهه څلویښت منډی جوړی کړی او دسیالۍ ګټلو په موخه یی دسکاټلینډ لوبډلی ته دیوی نیمی ورځې په لرلو سره دپنځه سوه پنځه څلویښتو منډو سخت هدف وټاکه چی دسکاټلنیډلوبډله یوځل بیا دهدف په لاسته راوړلو کی پاتی راغله او ټوله لوبډله په دری سوه شپاړس منډو وسوځیده چی حمیدحسن یوځل بیا پنځه ویکتی ترلاسه کړی.

دافغانستان لخوا حمید حسن دافغانستان لخوا لومړی بالروشمیرل شو چی په څلورورځنیو سیالیو کی دوه ځلی پنځه او یا دپنځوو زیاتی ویکټی ترلاسه کوی ، حمید حسن په ټوله سیالۍ کی دوه پنځوس اورونه وکړل او یو دسلو څلورپنځوس منډو په ورکولو سره یی په لومړی وار شپږ او په دوهم وار پنځه ویکټی ترلاسه کړی . ددی وړاندی دغه کارنامه دولت احمدزی دایرلنیډ په وړاندی په سریلانکا کی ترلاسه کړی وه او په یوه وار یی پنځه ایرلینډی لوبغاړی سوځولی ول .
دافغانستان لخوا پدی سیالۍ کی په بیټینګ اصغرستانکزۍ ، کریم صادق او نورعلی ځدران هم ښه وځلیده، همدارنګه په بالینګ بیا دحمید حسن ترڅنګ نبی عیسی خیل دری ، سمیع الله شینوای دوه ، عبدالله مزاری دوه ، میرویس اشرف یوه ، اوشاپورځدران بیا  په توله سیالۍ کی یواځی شل اوره وکړه او په کومه ویکت اخیستلو بریالی نشو.

په روانو سیالیو کی لومړی او دوهم مقام لرونکی لوبډلی پای لوبی ته لاره پیدا کوی چی دری واړه مخکښی لوبډلی افغانستان اوسکاټلینډ یوه یوه سیالۍ اود زمبابوی لوبډله بیا دوه سیالۍ په وړاندی لري .
که افغانستان له کینیا سیالۍ وګټی اوزمبابوی چی دوه  سیالۍ لری دسکاټلینډ او ایرلینډ په وړاندی پوانټونه ترلاسه کړی نوکیدای شی چی دافغانستان اوزمبابوی لوبدلې دلویووچوترمینځ دروانوسیالیوپه پای لوبه کی چی داکتوبرپه میاشت کی به د دوبۍ په نړیوال لوبغالی کی ترسره شی یودبل په وړاندی دسیالۍ ډګرته ووځي .

داڅرګندونې په افغانستان کی دبریتانیې سفیر (ویلیم پیټې)  سلام وطندارسره دسکاټلینډ څخه په یوی مرکه کی وکړي.

نوموړی چې دم ګړۍ درخصتیو تیرولو په موخه په خپل هیواد سکاټلینډ کی دی په یوی ځانګړې مرکه کی دافغانستان او سکاټلینډ کرکټ ملی لوبډلو ترمینځ دانټرکانټینیتل کپ سیالۍ  دافغانستان دکرکټ ملی لوبډلې دوروستیو لاسته راوړنو او پرمختګ او همدارنګه دافغانستان لوبغاړو ته دانګستان دویزی دستونزو په اړه  پوښتنو ته دتیلیفون له لاری ځوابونه وویلی دی چی بشپړې مرکې ته ستاسی پام را اړومه .

پوښتنه :دافغانستان په څیردجنګ څپلي هیواد کرکټ ملی لوبډله دتجربه کاره او د پرمخ تللو وسایلولرونکی هیواد سکاټلینډ په وړاندی لوبه کوي څنګه ورته بریښی ؟
ځواب : دهرڅه نه وړاندی سلام ، زه ویلیم پیټي یم ، ډیر ښه دیوسکاټلینډی په توګه زه ډیرخوښ یم  چی افغانستان ګورم  په سکاټلینډ کی لوبه کوی ، دوی دلته خپله څلور ورځنۍ سیالۍ دکوربه سکاټلینډ په وړاندی پیل کړه ، زه پخپله هم دم ګړۍ په سکاټلینډ کی یم  او هیله مندیم  چی لوبغالی ته ورشم  او ددوی لوبه ننداره کړم  ، که څه هم هوا څه ناڅه خړه پړه ده خو  هیله مندیم  چی دباران له کبله دغه څلورورځنۍ سیالۍ ته زیاتن ونه رسېږي  ، خو حقیقت دادی چی دافغانستان لوبډلی شتون دیرپه زړه پوری دی ، زه فکر کوم  چی دافغانستان دکرکټ ملی لوبډلی ددی اوږده  سفراو لاسته راوړنوپه اړه جی په دی څوو کلونو کی یی ترلاسه کړی دی په برتانیه کی دومره څوک معلومات ونلری ، دوی په پاکستان کی دکډوالو دکیمپونو څخه پیل وکړ او دادی څه وخت وړاندی یی ددوه زره لسم کال شل اوریزه کرکت سیالیو ته لاره پیدا کړه ، نو دا ډیرپه زړه پوری او دخوشحالۍ ځای دی چی دوی نن زه دلته په خپل هیواد کی ګورم  او زه هیله مند یم چی دوی ښه وځلیږی ، خودومره ښه هم نه چی زموږ لوبډله له ماتی سره مخ کړی ځکه زه پخپله سکاټلینډی یم  او باید چی سکاټلینډ یی وګټی خو افغانستان ته هم  ښه لوبه غواړم .

پوښتنه : دافغانستان کرکټ ملي لوبډلی پدی پرمختګ کې دخپلو هڅو په اړه راته څه ویلی شۍ ؟
ځواب : ډیرښه زه خو له دریو میاشتو راهیسی په افغانستان کی دنده  لرم  ، خو وړاندی کله چی دافغانستان کرکټ ملی لوبډله دلته اروپا راغلی وه او د کرکټ نړیوالې شورا په کپ کی یی له سکاټلینډ سره لوبه وکړه ، نو ما دافغانستان کرکټ ټوله لوبډله وبلله ، موږه  ښه میلمستیا ورکړه او دښی لوبی   هیله مو ورته ښکاره کړه .
مونږ هڅه کوو  چی دانګلستان کرکټ بورډ سره په خبرو دافغانستان کرکټ ملی لوبډلی سره زیاتی مرستی وکړو او دغه راز، ترڅنګ یې دکرکت نړیوالی شورا سره چی زه یې پېژنم چې د افغانستان کرکت لوبډلې  سره مرستی وکړو ، دوی دی حد ته په رارسیدو ډیره ښه وړتیا ښودلی ده دوی په ډیرلږ وخت کی دیو اتیایم مقام څخه دم ګړۍ دنړۍ په غوره لوبډلو کی ځای خپل کړی دی
مونږه باید چی دا هم یقینی کړو چی دافغانستان لوبډله نوره هم مخ ته تللی شی ځکه دا  ټولی نړۍ ته په زړه پوری پیغام ورکوی چی افغانستان نور د شخړو او جګړو وطن نه دی ،دلته داسی ځوانان هم شته دی چی هڅه کوي  خپل خوبونه په حقیقت بدل کړي .

پوښتنه : دافغانستان لوبډلې ددوه کلونو راهیسی دلومړی درجه لوبډلو په وړاندی دیوورځنیوسیالیو دکولو ویاړترلاسه کړی ددوی لپاره دسیالیو په برابرلو او په افغانستان کی دکرکټ دپرمختګ لپاره سکاټلینډ څه کولای شی ؟
ځواب : هو زه فکر کوم چی سکاټلینډ خو نه ، بلکی دانګلستان کرکټ بورډ دوی سره ښی مرستی کولی شی ځکه که وکتل شی دسکاټلیند په پرتله په انګلستان کی کرکټ او دکرکټ کولو ته ښې آسانتیاوې شته    موږه له انګلستان سره په خبرو بوخت یو چی څرنګه کولی شو چی د افغانستان کرکټ په پرمختګ کی رول ولوبوو.
څه موده مخکې دانګلستان سفارت کی دوی یوې غونډې ته وربلل شوي وو، په هغه ځای کې چی هغوی په افغانستان کی د یوی نادولتی موسسی سره مالی مرسته وکړه چی دکرکټ په پرمختګ کی کارکوی چی په هغی موسسی کی دلوبډلی پخوانی لوبغاړی ریس احمدزی هم دکرکټ دپرمختګ له پاره کارکوی ، موږه باید دا یقینی کړو چی په افغانستان ښه او نوی لوبغاړی میدان ته راشی .

پوښتنه : دافغانستان لوبغاړي په ډیره مشکله دانګلستان ویزی اخلي چی په دوروستۍ ستونزی په توګه دافغانستان کرکټ ملی لوبډلی پیاوړی لوبغاړی خالقداد نوری ته دویزی نه ورکول یادولې شوچی دویزی دستونزی له کبله له سیالیو پاتې شوپدی اړه موهڅې څه دی ؟
ځواب : ګورۍ مونږه غواړو چی دافغانستان دلوبغاړو سره په هره برخه کی مرستې وکړو موږه له هغولوبغاړو سره هم دویزو مرستی وکړی چی دانګلستان له ایم سی سی لوبډلی سره یې سیالي کولې، هغوی ته مو داسلام آباد له سفارت  څخه ویزی ورکړی ، خو زه هیله مند یم  چی پدی نږدی راتلونکی کی به موږه له کابل څخه د خپلو ویزو ورکړې کارپیل کړو چی اوس د خالقداد نوری په حق کې دغه کارسمدلاسه شونی نه دی زما مرستیا ل په کابل کی دی او موږه په یقین سره غواړو چی دافغانستان دکرکټ ملی لوبډلی دپاتی لوبغاړی له پاره دویزی په ورکړه کې پوره مرسته وکړو .

پوښتنه : ښه نو اوس دسکاټلینډ او که افغانستان دبریا په هیله یاستۍ او کومه درته غوره لوبدله بریښي ؟
ځواب : زه پدی تمه یم  چی سکاټلیند دا سیالۍ وګټی او هغه هم په یوه منډه کومه چی به زموږ له پاره ښه پایله وي ، خو زه باور لرم چی دافغانستان کرکټ ملی لوبډله به ښه سیالي  وکړی ځکه تردی وړاندی دوی څو ځله سکاټلینډ ته ماتی ورکړی ، کله افغانستان سکاټلینډ ته ماتی ورکړې او همداشان سکاټلینډ هم افغانستان ته ماتی ورکړی ده ددوی ترمینځ ښې سیالۍ شوی دی خوزه باید چی د خپل هېوادیانې سکاټلینډ لوبډلی ملاتړوکړم  زه به د سکاټلینډ لوبډلی دبریا په تمه یم  خو افغانستان ته هم د بریا هیله کووم .

پوښتنه : دخپل قیمتي وخت نه موسلام وطندارراډیو ته ددومره لری واټن څخه دوخت ورکړی منندوی یم
ځواب : زه هم خوشاله شوم  .

ولسي جرگی ته یو شمېر ښځینه کاندیدانې وايي:  د مالي ستونزو په سبب نه شي کولی چې انتخاباتي کمپاینونه په ښه توګه پر مخ بوزي.

له خوست ولایت څخه یوه کاندیده نادیه باور وایي چې کمپاین ډیر زیات لګښت غواړی او دا  کور پر کور ګرځي او یا هم خلک د کمپاین په موخه کورته رابولي خو د دی آند په کور کې هم خلکو ته چای او ډوډۍ  ورکول لګښت غواړي
ولسي جرګې ته له کابل ولایت څخه کاندیده خالده الکوزی وایي چی دا یوه ښوونکې ده او کومې پیسې یې چې  له خپلې تنخوا نه ټولې کړې وې هعه مصرف شوې ځکه چې دې خپل دوه لوی بلبوردونه چاپ کړل چی پر هر یوه پنځوس زره افغانۍ ولګېدې. 

ولسی جرګې ته بله  کاندیده تورپیکی پتمن وایي چې د ټاکنو کمپاینون په رښتیا هم ډیر زیات مالي لګښت ته اړتیا لري دمیرمن پتمن پر وینا چی دا داسې کاندیدانې میرمنې پیژنې چې آن د کریدت کارت   پیسې نه لري نو ر مصارف خو یې لا پر ځای پریږده.